خيـــانة

ما تكدبيش انا شوفتك بعيوني
ازاي اصدقك واكدب عيوني؟
ممكن انتي لكن مستحيل هما يخونوني
دول يعرفوكي لو حتي كنتي ما بين ميا
شافوكي بالفستان اللي اخترته ليكي بايديا
الفستان الاحمر اللي جبتهولك عيد ميلادك هديه
والخواتم والمحابس كل حاجه هيا هيا
والساعه اللي جبتهالك يوم لما اتاخرتي عليا
واقولك شوفتك فين ومع مين؟
مع صاحبي اللي طلعت بيه من الدنيا ديا
والمكان نفس مكان لقانا اللي كان الجنه ليا
قوليلي ازاي دلوقت اكدب عينيااااا؟
بعد ما علمتك الحب وسقيتك شوق وحنيه
تخوني قلبي ويكون رد حبي هي القاسيه
اللي جبته خليه عشانك .. خليها ذكره تفكرك بيا
بتبكي ليه .. داري دموعك .. كل حاجه فيكي كدب
سلامك حنانك .. كلامك وغيرتك .. مكنش حب
ما تقوليش آسفه .. آسفه علي ايه؟
دانتي صحتيني من وهم عشت انا فيه
روحي لحالك وسبيني .. ماتقوليش تاني بتحبيني
حب ايه؟؟؟ حب ايه؟؟ .. وانتي قدرتي تخونيني